蘇民峰為林作家居睇風水　桃花位座落洗手間：被水沖走晒

香港開電視正拍攝全新風水玄學節目《搵陣》，請來著名堪輿學家蘇民峰師傅，聯同黃芳雯(Paula)擔任節目主持，兩人將走訪各名人家居，教大家認識風水。今次蘇師傅和Paula走進「話題王」林作家居睇風水。

蘇師傳透露林作家中桃花位座落洗手間位置，桃花運因而被水沖走晒，並笑指：「林媽媽最想沖走林作現有的姻緣，換來一個佢滿意嘅好新抱，講真要阿仔滿意，又要阿媽滿意過關，啲女人都好難做。」蘇師傅續指林作本身命格屬火，性格剛強硬頸，識個女朋友亦會剛強硬頸，到時就要睇雙方誰是王者，是誰要去遷就對方。適逢今日Paula生日，製作組特別為佳人送上驚喜。問到Paula生日願望，她謂：「生日有工開好感恩！最希望大家身體健康，疫情快啲過，人人有工開。」