88歲胡楓患黃斑病變：發現自己睇嘢歪歪曲曲！

88歲的胡楓一向健康又精靈 ,但周三(9月16日)出席活動「香港眼科學會單眼檢查大行動」時,卻透露自己原來患上黃斑病變 ,令視力大打折扣，要接受手術治療，「我發現自己睇嘢歪歪曲曲，其實我都唔記得幾耐，咁樣就係有黃斑病變，呢種病有分濕同乾，乾都OK，但濕可以致盲，不過唔理佢的話，乾又可以變濕，多數都係上咗年紀嘅人患上。」

修哥視力出現問題，幸好他表示身健檢查報告顯示「十分靚仔」，修哥笑說：「係聽覺有少少問題，最好就戴耳機啦，不過我又唔係好習慣戴，所以就要好留神，不過冇辦法，年紀大咗就係咁。所以最緊要多做運動！」對於下年即將舉行的演唱會，修哥則表示未有太多計劃：「因為我張人情咭已經碌到爆晒，連張咭都唔見埋咁滯，所以暫時冇諗呢個問題囉！不過若果我休息就唔係幾好現象啦，所以我係永不言休嘅！」