蕭徽勇傳11月約滿TVB　IG露玄機：最後一個角色

蕭徽勇近年喺唔少劇集都有所發揮，《十八年後的終極告白》鬼仔強、《降魔的2.0》的士司機黃志龍等，佢亦一直有喺TVB配音組工作，呢日傳出佢11月將跟TVB約滿，蕭徽勇亦喺IG留言透露玄機。

2005年加入兒童節目《放學ICU》，一直做到節目終結轉往戲劇及配音組雙線發展，蕭徽勇近年因為斷食法減肥減近70磅而令人注目。呢日佢喺IG貼出內地劇《錦繡南歌》劇照留言話：「可能係我喺TVB配音組聲演嘅最後一個角色，你唔係唔睇吖嘛？」同時標籤「#配音完」有指蕭徽勇11月約滿TVB，有機會離巢，不過佢回覆傳媒時只表示「暫時無可奉告」未有否認。