反黑路人甲｜張振朗被提名拎視后：最後五強我係其中之一就好笑

劇集《反黑路人甲》將踏入結局週，一眾演員爭取宣傳的機會，因此今天（13日）舉辦了宣傳活動。劇中主角王浩信並沒有現身宣傳，所以宣傳重任交給了劇中「女主角」張振朗，振朗表示劇集就快完結十分不捨：「前25集好多人都好鍾意呢套劇集，好多人係社交網站Tag我講好好笑。我記得第一日宣傳我都講過，我希望觀眾簡簡單笑一個鐘。」

為何說振朗是劇中「女主角」？事關振朗與浩信在劇中「基味濃」，因此網民認為女主角只有一人，就是張振朗，連今天宣傳的演員說今年的台慶頒獎禮的視后寶座是張振朗奪得，他說：「好好笑我見到，大家睇得好入迷，不過唔好咁啦，其實我都係男仔嚟，但好好笑，最緊要開心。如果視后最後五強我係其中之一就好笑了。」

振朗直言提名視后獎項不太好，他認為：「我好開心觀眾接受呢套劇集，如果可以有最佳拍擋就好，因為我同浩信真係好有火花，希望有機會可以。」

點擊睇活動更多靚相！