林子博太太病情反覆苦無對策　飛台尋希望：搵到1種免疫細胞治療

林子博呢日喺香港開電視節目《大叔要變身》向排舞師Sunny Wong拜師學藝，原來子博囡囡林詖渝係Sunny Wong徒弟，子博笑言：「如果我今日拜埋師，咪變左係我個女個師弟囉？好奇怪呀！」子博指女兒醉心跳舞，平時幫個女拍片仲會陪跳：「佢會捉埋我跳架，如果我唔跳，佢會覺得呢個阿爸咁娘、咁脫節架咁，為左同個女無隔膜，我咪跳埋一份囉！」

子博對太太董燕君Shirley照顧無微不至，提到太太病情反覆，而香港主流治療已經無任何對策，子博透露：「我哋喺台灣搵到１種免疫細胞治療，依家等緊台灣通知，佢哋一話OK，我就即刻帶老婆飛過去！」Sunny Wong對排舞室可以重開感到高興，更加期望演唱會可以復辦，畀所有待業舞者能重返舞台工作。