黃翠如拍《七公主》體重暴瘦至百磅變紙板人 ：瘦咗十磅！

黃翠如周二（8/9）出席無綫劇集《過街英雄》宣傳造勢活動，身形變得瘦削，她透露近日因忙拍無綫新劇《七公主》連踩多晚通宵，而導致體重急速下降，「我今朝上磅睇過，我瘦咗十磅，一開頭嘅時候，因為想套戲嘅律師角色變得強啲， 我係刻意去減嘅，後尾拍下就發覺，原來演呢個角色都真係有啲壓力，就係因為壓力而令我一路咁瘦，起初自己都唔察覺，係同劇嘅演員話我知後，我再磅一磅先知，自己原來瘦咗咁多，之後我睇會去睇中醫調理下。」

（會否影響生B計劃？）翠如表示：「都係隨緣啦，所以冇一個計劃覺得係要幾時生，同埋要唔要生囉。（隨緣意思即係不設防？）其實而家我開緊工，咁所以呢段時間大家都忙，而佢又開緊工，咁都需要完咗呢套劇先，加上自己健康又唔係好好，咁所以收先一定要調養好個身體先。」