Mr.結他手開班收平民價$170　Ronny：總算有穩定收入！

2010年時期紅極一時的本地樂隊Mr.，當年憑一曲《如果我是陳奕迅》播到街知巷聞，一度上紅館開個唱，成為香港的樂隊代表。不過之後Mr.因跟唱片公司合約問題而屢傳解散。眾所周知在香港夾band搵食難，跟唱片公司合約問題更令他們零工作，成員們都為開飯煩惱，只有兩年前娶了富家女的「十億駙馬」主音布志綸（Alan）仍活躍娛樂圈，客串組新band又演出舞台劇，至於鼓手杜志烜（Tom）就開辦音樂學校「節奏生活」兼賣樂器總算搵到食，並邀請結他手譚傑明（MJ）和黎澤恩（Ronny）擔任導師，在「節奏生活」最新木結他課程資料中寫明MJ@Mr.任教，並以「平民價」680港元4堂開班，作為一位曾橫掃樂壇獎項的樂隊結他手來說，收費可謂相對便宜！

其實自從2013年參演7月1日「維穩騷」後，五位成員主音開始傳出不和，Mr.由於與環球唱片在合約上沒有達成共識，幾乎絕跡樂壇。而事件主角Alan早前接受傳媒訪問時則指自己沒說過要解散。據環球唱片之前的聲明指出，Mr.尚欠16首歌，直至交齊所有歌曲為止，才能正式與公司結束合約。

而其中有份教結他班的Ronny接受《香港01》訪問時則表示：「其實教結他都係我哋正職啦，Tom係老闆大家兄弟互相關照，咁總算有穩定收入，當然想再多啲學生啦，而我哋同唱片公司合約問題已解決，歌債都還清，家陣樂隊係自由身，可以自由接job，我地冇解散早幾日先出完騷，不過我只希望幾兄弟可以繼續夾band，繼續行落去，平常心玩音樂，唔刻意追求再闖高峰啦！」他指傳媒寫Alan的訪問內容，並非近日的事情，他們現時都抱著正面心態，不會輕言放棄自己的音樂路。