譚炳文逝世｜《舊歡如夢》原唱者　譚炳文爆錄歌前最緊張有冇錢

「配音王」譚炳文今年6月發現患上肺癌，昨晚（4日）因呼吸困難入院，經診治後今早11點離世，終年86歲。「當年相戀意中人，大家性情近」相信大家都聽過李克勤版本的《舊歡如夢》不少次，但原來這首經典歌的原唱正正就是「配音王」譚炳文。

譚炳文首先開始其播音事業生涯，再繼而進軍配音界。之後他又向幕前進發，接拍多部電影及推出唱片。當中為人熟悉的歌曲就是《舊歡如夢》和《禪院鐘聲》等，多年來被不少歌星翻唱。譚炳文曾接受電台訪問時透露當年是粤樂大師李願聞找他錄音︰「突然有位阿叔走嚟搵我，我唔識佢……佢話想搵我唱隻歌，哼咗幾句畀我聽，又幾好聽喎，我就最着緊有冇錢嘅啫，佢話有咁咪錄囉！」當年他試唱兩次後，正式錄音時便「一Take過搞掂」。

同場加映：譚炳文逝世｜與紅顏知己李香琴合作無間　緋聞傳足30年最轟動