張栢芝行街被傳媒追訪否認懷孕　IG宣布封肚：依家冇將來亦唔會有

現年40歲的張栢芝於2018年誕下三子Marcus，最近又有報道指栢芝「肚凸凸」疑懷第四胎，今日（31日）她到大埔購買時就遇到記者追訪，問她有關「第四胎」問題，栢芝回答過現場的記者之後，隨即又拍片放上IG：「咁啲記者朋友都好有禮貌嘅，影到唔緊要，最緊要唔好嚇親啲小朋友。同埋我費事萬一新聞出咗，有啲咩可能話唔係完全真實嘅，所以我而家即刻拍出嚟放IG講真實嘅情況。」

被傳肚凸的截圖：

栢芝在片中表示，遇到幾位記者追拍時，手抱BB的她有狼狽，但亦因為狼狽，成為了她並沒有懷孕的鐵證：「如果真係有咗，個肚咁凸，冇可能戴住個咁大嘅腰帶箍住條腰，仲抱住咁重個仔，基本上孕婦唔會咁做。」之後栢芝更很肯定地表示要「封肚」：「肯定係冇，一定冇，依家冇，將來亦唔會有，因為真係夠啦，唔生啦！」