香港小姐2020｜謝嘉怡深夜返酒店嗌肚餓：希望Daddy買定嘢畀我食

香港小姐競選已經圓滿落幕，由蘇格蘭返港參賽嘅謝嘉怡（Lisa），勇奪最上鏡小姐兼成為今屆冠軍。賽後完成工作後，佢換返便服返回將軍澳下塌酒店，家人及親友一早準備香檳同佢慶祝。

賽後Lisa接受《香港01》訪問時難掩興奮心情：「當宣布我攞獎嘅時候，我唔知做乜，好似發緊夢想行落台，都唔知行去邊。其實我真係冇諗過自己會贏，因為自己講廣東話好差。（選完最想食乜？）好想食叉燒飯，好希望Daddy一陣買定啲嘢返嚟畀我食，因為而家好肚餓，個肚打晒鼓。」

謝爸爸相當知囡囡心意，除咗送上鮮花及香檳，早已準備排骨飯俾Lisa開懷大吃。同屆落選港姐源菲然都喺房等LISA，接受訪問時佢地先透露源菲然原來係謝嘉怡表妹﹗﹗佢地話：「佳麗全部都知我哋係表姐妹，佢之前扭親腳都好擔心，我哋都有一齊練舞。」