【港姐2020】廖慧儀面試露紋身 獲余詠珊大開綠燈：佢有問我

《2020香港小姐競選》今日（25/8）於電視城舉行記者會，大會安排十二位入圍佳麗以泳裝亮相，並公布成功晉級十強決賽佳麗名單。而腰間有紋身的廖慧儀（Jessica)亦順行入圍。對於紋身的睇法，她表示：「其實我覺的紋身喺呢個年代係比較平凡嘅事，只不過有啲人，可能諗得太過極端或太複雜，我都係純粹紀念過咗身嘅寵物，件事已經過咗去，我諗應該唔會影響選美。」（面試時，評審見到紋身有冇意見？）Jessica表示：「其實嗰陣面試時，Sandy（余詠珊)都有問我嘅，我就照直同佢講，咁佢都知道，第一吓印象可能都會覺得之前冇港姐有紋身，咁佢問就一定有問，都了解咗。」