連詩雅飽受鼻水倒流頭痛之苦　「原來係頸椎骨移位蔓延到上頭」

都市人疲勞過度姿勢唔正確，經常周身病痛，最近連詩雅飽受鼻水倒流長期喉嚨痛兼日日頭痛之苦，足足轉睇3個醫生先知係鼻竇炎，更甚是：「之前牙骹發炎導致的頭痛，原來係因為頸椎骨移位蔓延到上牙骹同頭。」難怪佢會咁辛苦。

Shiga一向有嚴重鼻敏感，不過呢次病情比較嚴重，已經影響到唱歌，佢亦積極求醫：「轉咗3次醫生我終於知道自己什麼問題，原來係鼻竇炎。醫生說我鼻哥入邊嘅骨歪咗所以壓着，當免疫系統低嘅時候就會發出嚟，同埋之前牙骹發炎導致的頭痛，原來係因為頸椎骨移位蔓延到上牙骹同頭。然後兩個醫生都話根源係因為我個人太過分緊張，今次真係長知識。」

「原來當你以為係有痛楚嘅地方有事，原來背後可能係其他成因，所以凡事都真係要深層次去了解，才可以解決問題。真係經一事長一智，慢慢會好起來的。」Shiga話自己出活動完全無事，係暫時唱歌有點勉強，希望大家耐心等候好快會有新歌。