新冠肺炎│ViuTV《Chill Club》幕後確診　駱振偉：唔會恐慌檢查

近日新冠肺炎確診個案開始下降，然而今日（12/8）仍有62宗確診個案，並仍存在未知源頭的確診個案，情況依然不甚樂觀。娛樂圈當然亦受波及，早前無綫和新城電台都出現確診人士，而今日ViuTV亦宣告零確診失守，有內部員工宣佈確診。

ViuTV發言人已經向傳媒證實，一名製作部同事於今日確診肺炎，並已隔離所有與他有密切接觸的同事，他們亦會接受病毒測試。此外，電視台會在該名員工曾出現過的辦公室場所進行消毒和深度清潔。

據知，ViuTV昨日（11/8）曾向員工發出電郵，指有同事的家人確診，而該名員工已經接受隔離，但仍未知該名員工是否和今日證實確診的員工屬同一人。有傳該名確診員工是Viu音樂節目《Chill Club》的導演。《Chill Club》主持駱振偉就回應指，自己也是剛剛得知事件和確診者身份：「頭先我都喺啱啱收到電話，公司通知返個情況......我同你知嘅都喺差唔多，公司都處理中，我都冇咩可以update。」

但他指自己不是密切接觸者，亦沒有需要接受病毒檢驗：「因為我就唔喺密切接觸者嗰邊嘅，而我就暫時冇乜特別影響住。我諗公司依家最繁忙處理緊嘅喺做返相應既檢查同埋隔離。佢地應該check緊啲資訊，我都冇問。（咁你有冇驗？）暫時冇呀。因為我哋知道咗嗰同事喺邊嗰啫，我都喺啱啱先知道有呢單嘢。我哋確保咗我哋唔喺密切接觸嘅。」駱振偉又指自己不會「恐慌性去check」，因為自己並非是密切接觸者，會讓予公司其他緊密接觸者先行進行病毒檢查。

不少娛圈中人都確診新冠肺炎，例如歌手施匡翹、藝人麥德羅和其經理人劉麗萍（Apple姐）等等。上周五（7/8）亦爆出無綫有導演一家都確診新冠肺炎，雖然該導演近期在家工作，但本月曾有兩日回公司剪片，曾接觸員工共30人。無綫隨即隔離所有曾接觸過該名導演的員工，以及徹底清潔和消毒該名導演曾到過的二樓工作間和錄影廠。

同場加映Kayla的性感靚相：