【與陳國強同場不尷尬】高海寧努力拍劇賺錢供樓︰不可一世行性感

無綫「曬冷」活動，當然有無綫主席陳國強出席，而藝員亦要撐公司，所以高海寧(高ling)在場亦合情合理。早幾日高ling先在facebook寫下文章，表示某雜誌經常亂寫她同陳國強的關係，雖然今日同場，但高ling表示不會尷尬，她說：「唔會尷尬，所有寫過嘅任何嘢都冇發生過，無理由為冇發生嘅嘢尷尬，點解在facebook寫，因為試過澄清過，但可能未夠清楚，今次就想將屈係心好多年嘅一次過講晒出嚟，我真係覺得好委屈。（facebook文還有說你要供30年樓？）香港買樓供30年好正常，我加埋二按，每個月供兩萬幾左右，所以我都好勤力做嘢，自己亦希望以做戲為職業，我覺得唔可以一世都行性感路綫，唔長久的，永遠都有新嘅女仔出嚟，每年都有新嘅港姐，我需要為自己搵一個新嘅定位，所以我好畀心機拍劇。」

高ling就要自力更生，另一位港姐郭嘉文，早前就被指同城中筍盤李澤楷拍拖，有報道更指她同樂易玲關係差；不過郭嘉文今日出席活動時，就表示同樂小姐關係不錯，她說：「其實今日活動係樂小姐特登WhatsApp叫我來的，我們溝通一向都係好，我合約仲有一定年期，其實我都有排做㗎！」有樂小姐私下Whatsapp邀請，真的不簡單。