《溏心3》大換血靠夏雨李司棋撐場　監製劉家豪：心目中最好喇！

「邊個係人，邊個係鬼我睇得到！」這些《溏心》金句曾經成為網民熱門cap圖，距離第一輯已經10年，《溏心風暴3》（簡稱《溏心3》）周二晚（10月26日）舉行探班記者會，沒有陳豪、林峯、鍾嘉欣、陳法拉、楊怡，只剩下一班殿堂級演員夏雨、李司棋、關菊英撐住（米雪亦有份，但今日沒有出現），夏雨以「回家」形容今次《溏心3》，他說：「我哋都係TVB出身，咁有時出下去，當旅行，咁依家又返嚟屋企拍下囉。」

劉家豪唔驚班底變：有夏雨佢哋帶住就上啦

《溏心》四位老薑就不用擔心，反而有什麼人可以為陳豪，林峯等「補位」，監製劉家豪就話：「黃宗澤係男一啦，仲有王浩信、岑麗香、黃翠如囉，呢個卡士係我心目中係最好喇，其實睇返以前第一輯同第二輯，當時陳豪、林峯、嘉欣、法拉都好新，有夏雨佢哋帶住就上喇，所以我對佢哋好有信心。（陳凱琳、蔡思貝有冇份？）可能佢哋就拍第二套喇，我呢套就未有。」

第3輯以茶餐廳為故事骨幹，每次《溏心》系列都有冠名贊助，家豪哥就話洽談中，他說：「都係嗰幾間大型連鎖式茶餐廳啦，但洽淡緊，希望好快公布啦。」即係劇名可能是《翠X特約：溏心風暴》或者是《溏心風暴之奶油豬》。