【要搵黃宗澤？】再爆公關災難　ViuTV窒fb網民：轉去睇幕後玩家學嘢　

八九學運領袖王丹早前應ViuTV邀請與港大學生會前會長馮敬恩到日本東京拍攝第二輯《跟住矛盾去旅行》，其後ViuTV突然抽起二人在日本記者會上表達對港獨看法的片段，引發全城熱議，「矛盾風波」最終在ViuTV總經理魯庭暉發聲明向兩人道歉而暫時告一段落。

自事件後沉寂數天的ViuTV昨晚在Facebook上載一張背景由不同網民留言拼湊而成的圖片，並寫有「面對。改進。感謝。」，意指ViuTV已經獲悉網民的批評聲音，並會盡力改善問題，然而這張圖片卻觸發更多網民的反對聲音。有網民認為ViuTV此舉是毫無誠意的抽水之作：「即係點X樣？X完仲要出張咁既圖X威，攞境定贈興？」，又有人留言：「已經冇睇好耐....」，面對如此負面意見，ViuTV Facebook管理員竟然回覆：「明嘅......我諗我都要轉去睇幕後玩家學吓野」，隨即惹來網民激烈批評ViuTV的態度差及缺乏公關技巧：「戇X，人哋話無睇好耐你就串人睇cctvb，咁樣叫悔改？咁樣叫公關？食X啦」

不過留言也絕非一面倒踩ViuTV，有網民留言呼籲大家「畀個機會人」，另有一直支持ViuTV的網民表示心淡，以為ViuTV會比無綫更好的選擇：「想真多一個選擇，但原來都只係多個選擇冇咁臭嘅，sorry，冇睇幾日了。之後…會開嘅，電視擺係度都要開嘅，但唔會用心睇了…88」，對此ViuTV Facebook管理員亦一一善意回覆：「希望有一日我哋真係做得好，會再得到你嘅支持」