新冠肺炎｜鄧達智確診近90小時仍未獲送院　鹽水嗽口食中藥自救

新冠肺炎本港疫情嚴重，連續多日單日破百宗確診個案，醫院床位愈趨緊絀。時裝設計師鄧達智7月24日晚初步確診，至今3日半超過85小時仍未獲送院，留喺元朗家中無了期等待。

鄧達智同住同性配偶陳梓欣醫生、其家傭，以及兩個曾飯聚嘅好友，已被安排入住駿洋邨檢疫中心接受隔離。現只剩鄧達智獨留元朗家中，食物亦係家傭去隔離前留低，同埋靠朋友送早餐，一直未收到當局安排，令佢相當無奈。鄧達智一直未有治療無藥食，靠自己不時用鹽水嗽口、食中藥以及偏方煲金銀花、甘草飲用。