陳曼娜懶理女婿蔡朝旭被追債　驚爆已決裂一年

陳曼娜囡囡鄭祖兒（Joie）2016年同金融才俊蔡朝旭結婚，當日大批圈中好友到賀，點知相隔一星期就爆出桃色風波。估唔到最近再生事端，蔡朝旭被貼大字報追債，連陳曼娜同囡囡都受牽連。曼娜姐接受訪問時驚爆一年前已同女婿關係破裂。

有傳媒向曼娜姐查詢追債一事，佢表明自己唔知情，亦唔清楚女婿有無欠債。更爆出原來當年桃色風波後向女婿訓斥過幾句，自此甚少聯絡，近一年女婿都無再俾家用，連曼娜姐生日宴都唔出席，關係陷入冰封狀態。