「打波先嚟落雨」四眼仔15年大轉變　婚已結變身筋肉人？

昨日8號風球，橫風橫雨，網上瘋傳多時的改圖金句「打波先嚟落雨，唔通連個天都唔鍾意我」，再次出現於各大討論區，而講這段金句的四眼仔，原來形象早已大不同。近日網上流傳據稱是該名四眼仔的近照，15年前的純情男孩，現時搖身一變成為肌肉發達的健美先生，令人相當震驚。

網友指四眼仔名叫「Eric Cheng」，在2001年拍攝政府社署的宣傳片，講述兩位踢足球男孩，到達球場後卻下大雨，而四眼仔就講了上述的灰爆金句，其後他的朋友叫他放心，明天一定會好天，因為「希望在明天」，而四眼仔瞓在草地，滿臉笑容地自白「其實落雨又有乜好怕喎」，直頭充滿正能量，而這位純情四眼仔的正面形象，早已成為網民集體回憶。

在Eric的Facebook專頁，上載了不少他的爆肌照，健碩的胸肌、一排排朱古力腹肌，另加鮮明的人魚線，明顯是一名經常操肌的健美先生，跟昔日宣傳片中四眼仔形象截然不同。在今年9月尾，他還贏得健美比賽冠軍，並在Facebook上載了他參賽時的片段，而且留言「多謝老婆」，原來Eric不但練得十分大隻，還已經成家立室。有網民知悉後，紛紛留言贈慶，笑他「就係因為落雨，所以去了健身室」、「肌肉滿希望，前路由我創」，亦有網民指「童年回憶被破壞了」，讓人笑破肚皮。《香港01》記者聯絡到Eric，他透過短訊回覆：「唔好意思，我係唔會接受任何人嘅訪問……，我希望呢件事可以就此告一段落，我唔想再影響到我家人影響到工作，辛苦晒！」