彭家麗鍾情唱合唱歌貪有火花　有機會與朱主席再創經典？

彭家麗（Angela）今日（8/7）在灣仔舉行新歌MV發布會，更稱接下來還有出EP的計劃，會將5、60年代的舊歌重新編曲。談到崔建邦擔任MV監製，她坦言是公司的意思，自己與對方已經十幾廿年冇見：「佢話跟過我學唱歌，我印象都已經好模糊。」唱慣慢歌的Angela又指自己最近挑戰跳舞：「最辛苦係要着住高踭鞋嚟跳！跳完夜晚腳趾抽筋！」

談起彭家麗，大家第一時間可能就會想起當年她與朱主席（朱壽仁）合唱的《從不喜歡孤單一個》，她說自己都很想再唱合唱歌：「我都係鍾情於合唱歌，因為夾到聲係會有火花！我好想搵啲大家估唔到會唱歌嘅人，例如周星馳電影《破壞之王》裡面嘅大師兄林國斌，其實佢唱歌好好聽！（會邀請朱主席再合唱？）唔會啦，我諗呢個機會好微，睇第二次就冇新鮮感。」

點擊下圖觀看活動情況：