馬德鐘兒子馬在驤澳洲返港首現身　暫不考慮入行：仲有幾年書要讀

馬德鐘兒子馬在驤今天（7日）出席在中環置地廣場舉行的時裝品牌活動，身高近1米9的他，甫出場即成全場焦點。這是他澳洲回來後首次出席活動，他表示毫不緊張：「之前都出席過，所以有經驗會好好。」

在澳洲讀大學的他，因為疫情關係只能在網上上堂。對於會否全面進軍娛樂圈，他直言不考慮：「其實仲有幾年讀書，我想Enjoy埋先。」

在驤透露爸爸無論他將來想做什麼，都會十分支持，而拍劇也是他想嘗試之一，不介意靠爸爸拉關係，「我好鍾意睇戲嘅過程，我覺得有個人脈都幾好，可以用下。」

帥氣臉孔、高大身型加上一身古銅色膚色，絕對能迷倒不少女生，不過在驤並不覺得：「我覺得冇乜囉，身邊冇乜女仔朋友，同埋澳洲機械工程嗰科都冇乜女仔。（有冇拍拖？）依家都有，拍咗幾個月，不過喺澳洲。」