蘇皓兒傳為慳錢租住唐樓 自認慳妹：銀包長期冇錢

蘇皓兒（Chloe) 今日（7/7）現身電視城出席無綫劇集《那些我愛過的人》宣傳造勢活動。日前Chloe被傳媒拍攝到收工後，由助手陪同返回大角咀唐樓，被指為慳租金住舊樓。Chloe笑言：「其實嗰度係我娘家嚟㗎，由細住到大，品流唔複雜，幾好住，晚晚有宵夜食，因為大角咀有好多小店，不過而家我就戒咗食宵夜。（有否想過自己搬出嚟？）冇諗過，因為香港嘅樓實在太貴，距離買樓目標仲有成廿年時間。（平時生活點慳住使？）平時食屋企飯，而且自己都好少買衫，著嚟著去都係嗰幾件衫，出席活動會時會借衫著，我自認係慳妹一名。（每日有幾現金係身？）我銀包長期冇錢。」