【暖男爸爸】鄭中基曾擔心體力難應付　感激大仔照顧：我唔捨得佢

由鄭中基（Ronald）與張可頤（Maggie）主演的劇集《暖男爸爸》拍攝接近尾聲，早前於淺水灣拍攝外景，Ronald的戲份拍多兩天便正式拍攝完結，他說：「唔捨得一定有，因為大家一齊工作咁耐，又日日見。同埋我最唔捨得兩個小朋友，尤其做大仔，佢現場真係好照顧我。每次拍完一個take都會埋嚟打機畀我睇之餘怕我悶，會同我一齊打，咁我最唔捨得佢。」

Ronald對上次主演的劇集已經是在2002年時候，相隔18年再次拍劇，他說：「其實我一開始有啲擔心，因為諗過係以前拍劇模式朝早0630，又會驚自己體力上支持唔到。咁今次拍劇實質上好似拍電影咁，又冇咗廠三部機一齊拍，所以對我嚟講都習慣。同埋今次所有安排上時間上都好舒服，每一個演員都有好充足時間休息，咁開始咗就冇咁緊張。」

點擊睇更多精彩靚相！

同場加映！

鄧紫棋拍抖音變魔術　網民：姐姐的臉不太一樣？