億萬千金張寶欣認單身　TVB最後筍盤公開擇偶：鍾意文靜男仔

張寶兒細妹張寶欣（Boanne）今日（1/6）現身電視城出席明珠台全新政治驚悚劇集《特種保鑣》宣傳造勢活動。提起家姐張寶兒與男友袁偉豪早前聯名斥資超過6千萬置業等嫁，被問到何時到自己？Boanne就話非常戥他們開心：「其實自己好努力急起直追，但宜家就冇拍拖，所以都未有機會可以同人聯名買樓。」

（擇偶條件？）Boanne表示：「我自己就鍾意啲個性比較文靜少少嘅男仔，因為我可以講嘢時，佢可以喺度聽，因為平時我好鍾意聽人講嘢，但返到屋企可以輕鬆啲嘅時候，我就鍾意講嘢。」（窮小子月入萬蚊會否考慮？）Boanne坦言：「其實自己真係冇諗過呢個問題，不過只要大家很努力又上進，相處得開心就可以。」（結婚Daddy會否幫手買樓？）「本身家教都係要求我哋自力更生，喺唔同情況之下，自己都想靠自己，唔想俾人標籤係靠屋企人。」