羅志祥7千字懺悔文設打賞功能　兩日爽賺3萬人仔

羅志祥於520寫下7000字長文，細數同周揚青嘅甜蜜事跡，但唔少網民認為羅志祥咁做只為重新建立人設、又或者係為復出鋪路，仲笑佢40歲人好意思稱自己做男孩。有網民隨後舉辦「羅志祥和周揚青復合嗎？」投票，估唔到羅志祥用自己帳號投下贊成票。

文章至今已有7351萬閱讀次數，不過有網民發現喺文章末端，有一個微博嘅打賞功能，每次出手最少9.9人仔，而至今已已有3425次打賞，其中一名更打賞了999元人仔，粗略一計，呢七千字為羅志祥帶嚟逾三萬收入……對於曾經主持費以千萬元起標嘅羅志祥嚟講，呢三萬幾元微不足道，但都叫好過無。