【流行經典50年】黃百嗚無懼疫情賺錢少：人始終都要娛樂
撰文：賴家杰
出版：更新：
黃百鳴昨天（19日）出席TVB音樂節目《流行經典50年》，百鳴哥大開金口唱歌。他因為知道主題是電影歌曲之夜，所以他準備唱出由他主演的電影《開心鬼》主題歌曲，「我經常都唱歌，我好鍾意唱歌。我都當玩下，同埋呢首歌係我當年寫嘅。」
早前鄭保瑞導演接受媒體訪問時候說到香港電影業現在賺錢有點困難，開始由工業變成興趣，而百鳴哥不太認同，他說：「我又唔覺得做電影好難賺錢，你睇下依家好多戲都好賣座。（佢話要收一億先回本）睇下你套戲拍幾貴啦，如果成本輕但收一億都唔錯。當然戲成本成億你要收好多億先收得返個本。」
疫情之下電影業大受影響，很多人都「冇工開」，百鳴哥笑言：「其實依家大家都停工可以傾下劇本，籌備下將來。戲院始終都會開返，疫情始終都會過去，人始終都要娛樂。」