《巨輪II》阮兆祥變不死人　連播三劇望攞獎：入到圍再算

睇到《巨輪II》，大家應該對吳岱融飾演的高天鷲恨之入骨，於是一眾演員包括田蕊妮、蕭正楠、阮兆祥及陳凱琳等在深水埗鬧市舉行「示威」，揚言要「打倒高天鷲」，沿途吸引了過百市民圍觀，場面混亂。

不過講起《巨輪II》近期的亮點，就是祥仔飾演的龍飛化身新一代不死人，經歷過空難依然大難不死，但生還後卻經歷創傷後遺症，完全失憶，忘記田蕊妮飾演的老婆姚文英。祥仔就話好開心有觀眾會擔心龍飛的狀況，「我昨天在街市買菜，觀眾除了集郵，都問我變到小朋友咁，係咪有陰謀！」而龍飛生還之後，失憶又失智，祥仔就話對角色處理手法一度好迷茫，「頭幾日唔知自己想點，因為出事前出事後，都要有不同處理，好在監製王心慰花時間搵資料畀我，讓我再諗下點搵新的感覺，然後又會畀意見我。」至於會唔會好返？祥仔就話：「我就係想你問我！咁代表觀眾都會想睇落去！」

祥仔又話今年對他而言是大豐收，「做到3個截然不同的角色，《為食神探》、《巨輪II》及《性在有情》各自都可以有不同發揮。」臨近台慶，祥仔又想唔想攞獎？「我唔介意！但入到圍先再算啦！」