曹永廉回歸《流行經典》　無悔表態失代言人：任何事都承受

曹永廉（阿廉）今晚（6/5）出席將軍澳電視城《流行經典50》記者會，宣布他將正式回歸。提起早前疑因表態而失去產品代言人，有否覺得無奈？阿廉接受《香港01》訪問時坦言：「其實係個期到咗，合約完咗啫，等個疫情過咗之後，如果佢哋覺得我適合可以隨時搵我，不過自己有咗咁嘅立場，無謂累咗人，令到人哋受到影響。」

（有否後悔表明立場？）阿廉坦言沒有後悔：「我有個立場就係希望啲小朋友，睇到好多嘢，學識對與錯，我會繼續行，行咗夠喇咪Ok囉，咁宜家就做嘢，如果你問我有咩影響？我又唔覺得有咩影響，因為起碼覺得自己好舒服。」（會否避免談論政治？）阿廉續說：「適當時侯我會講，但喺諗呢段時間，有咩嘢適當嘅嘢要講，我又唔介意去講嘅，都俾人起晒底，都唔會驚，行得呢步，我任何事都要承受。」