黎振燁被同屆港男鬧爆　梁裕恆：咁忍唔到最多咪去去叫X

落選港男梁裕恆（Flow）不時都在社交平台爆料，黎振燁背大肚妻偷食朱智賢咁大件事，佢又點會無嘢講呢。日前梁裕恆先在FB分享有關報道，並發文表示：「做人無底線！」之後再在IG Story出po力數參選港男時，黎振燁刻意扮清高：「當年扮好男人真係極嘔心，一大班港男港姐傾偈，佢刻意行開話『我唔可以同其他女仔傾偈，費事老婆介意』，做畀工作人員睇，做畀高層睇，但真係over咗囉，一大班人閒話幾句正常社交，而（依）家又唔係叫你單獨去荒山野嶺食蛋糕，有咩問題？」
 

愈講愈激動嘅梁裕恆，斥黎振燁趁老婆大肚去「偷食」是「賤中之賤」，他說：「唔係一般人做得出，你有性需要真係咁忍唔到，最多咪去去叫X，但好明顯兩日唔止單純性關係，大佬，你老婆陀住你個BB嫁!」他又指如果真係好男人的話，唔需要不時都提住，明串黎振燁入行時塑造嘅情深好男友形象。