吳啟華53歲自稱浪子 享受單身生活：關係耐咗就會出問題
撰文：林通賢
出版：更新：
「冇腳的雀仔」是沒有分年紀的，好像52歲的吳啟華依然有這種心態，今日出席劇集《隱世者們》記者會時表示，他還享受單身生活，他說：「我覺得一段關係耐咗，問題就會出現，唔係好想煩，寧願做浪子，同前妻關係都好，都成日抽時間陪下個女，依家單身啱我啲。」52歲的啟華哥，仍然用上「浪子」這個上世紀的形容詞，應該都是天生不覉放縱愛自由。
另外早前簽約無綫的張文慈亦有出現，今次在《隱世者們》客串演出，11月將會為新劇開工，她說：「11月就會開劇啦，依家都希望keep fit 少少，（傳聞妳得8千蚊1個月？）報導有啲唔真實，亦唔係月薪咁計，係一個開心價，我會當自己係一個新人，無論咩角色俾我都會咁開心。其實我要返大陸拍，真係唔難，不過始終想喺香港發展，而無綫係最大嘅平台。所以想去發展下。」