【疫情廚神】暖男黎諾懿自爆靠廚藝俘虜太太心：佢貪我識煮嘢食

Tvb首個網絡綜藝節目「疫情廚神」，邀請在家抗疫的觀眾拍片分享煮食心得，自推出以來，反應非常熱烈。為答差謝視迷踴躍支持，「疫疫煮神」更推出明星版，本周六更找來暖男藝人黎諾懿示範薑蔥炒蟹及菠蘿咕嚕肉。今日（23/4）黎諾懿出席活動時表示：「我上個禮拜就教咗大家煮香茅椰子貴妃蚌，今個禮拜唔係我揀喇，喺人哋點話煮乜就煮乜，其實自己入廚經驗就好多年，但真正煮就係呢六年嘅時間。」

被問到同太太對比邊個廚藝了得？諾懿笑言：「正常情況下我叻啲嘅，因為佢會煮一啲好健康嘅食物，例如秋葵及毛茄等Superfood食物畀我食，大家明喇，咁所以我就好少揀嚟食啦，其實太太揀我就係因為貪我識煮嘢食，但佢冇諗過我結咗婚之後懶唔肯煮，當初我追佢都係靠煮嘢食氹佢返嚟㗎！」