大肚謝安琪到場恭賀楊怡　自稱冬眠中大熊貓：活動範圍係房同屋企

羅仲謙與楊怡今晚舉行夢幻婚宴，入行多年的二人在圈中廣結好友，邀得多位圈中人出席道賀，包括胡杏兒及老公、林文龍及郭可盈、張繼聰及謝安琪、陳浩民夫婦、葉璇及男友小默先生等，比起無綫台慶更為星光熠熠。出席婚宴送禮是指定動作，至於送禮首選，一眾賓客異口同聲表示「畀錢最實際」。

懷孕三個月的謝安琪（Kay）在老公張繼聰陪同下現身，向鄰居兼一對新人祝上祝福。目前專心養胎的Kay自稱是冬眠中的大熊貓：「平時活動範圍都係自己房同屋企，不過出下嚟都好，可以同BB分享喜悅，當係胎教。」問到兒子得知將有妹妹的感受時，Kay表示兒子既開心又擔心：「開心係有妹妹陪佢玩，擔心就係佢一直都係唯一焦點，慣左焦點喺自己身上，多咗妹妹怕搶走風頭。」阿聰則認為這段時間可讓兒子學懂如何無條件分享。問到會否向新人分享夫妻相處之道，他們笑言見到對方平日的相處已經很甜蜜，不需要再分享。對於新郎希望第一胎生女，阿聰笑稱：「我對佢想生女都有信心，佢咁大隻想生BB冇咩難度。」

去年底結婚的胡杏兒祝賀謙謙與楊怡甜蜜到永遠：「最好一年抱三個細路咁多！」郭可盈則表示替楊怡覓得好老公而開心：「我見住阿怡出道，見到佢同謙謙咁開心，我都好開心。」問到會否回娘家拍劇，林文龍則表示無綫方面曾接觸他，表示有意找太太出山，但他已幫太太推掉，之後郭可盈則補充說：「如果劇本夠好、班底夠勁，我都會把持唔住。但個囡仲細，唔會全心全意投入工作，因為唔想忽略佢成長。」

日前被飛機餐包灼傷嘴的陳浩民夫婦，表示今日不便回應事件，但提到人情金額則侃侃而談：「金額係老婆一手包辦，都幾大封，想盡一份心意，我都好滿意個數字。」而蜜運中的葉璇直言未受楊怡影響而恨嫁：「我覺得結婚唔係必要，我可以一世都唔結。（會閃婚？）依家拍得好開心，生唔生仔、結唔結婚都係儀式，每個人祝福都唔一樣，唔需要一模一樣先叫開心。」