馮盈盈傳與大隻主播鄭衍峰拍拖　IG Story貼圖疑回應前後腳拍拖

馮盈盈自從同醫生男友Martin結束4年情後，雙方都分別有新發展，盈盈被指同主播鄭衍峰疑似發展地下情。仲話盈盈推薦對方多次亮相主持嘅節目《後生仔傾下偈》，連價值60萬嘅座駕都借俾鄭衍峰代步﹗呢日盈盈喺IG貼圖疑回應戀情。

盈盈呢日喺IG STORY上載一張超市購物時嘅相片，見到佢戴住口罩前後腳弓字步企，留言話：「行超市識行一定係前後腳，其邊個唔係前後腳？唔通要雙腳跳？仲有無人肯陪我行超市？」疑似回應外界指佢同鄭衍峰除夕時孖住行超市。另外盈盈仲上載學整梳乎里蛋捲嘅相片，製成品係就係有少少燶，不過誠意可加，有份食嘅應該都會甜在心頭。