肥媽愛犬生B一齣世就唔識鬱 靠不斷做人工呼吸成功救活!

撰文:趙允琳
出版:更新:

肥媽(Maria Cordero)一向是愛狗之人,經常在社交網站分享家中多隻狗狗的近況。她在Facebook公開她養的其中一隻唐狗Sasa日前誕下11只狗BB的片段,並表示當其時其中一隻一齣世就無呼吸,整個接生過程相當驚險。

肥媽是愛狗之人。(Instagram:@mama_maria_cordero)
肥媽是愛狗之人。(Instagram:@mama_maria_cordero)
肥媽經常在社交網站分享家中多隻狗狗的近況。(Instagram:@mama_maria_cordero)

肥媽表示,Sasa在早上11時開始生B,到晚上7點半一共生了10只狗BB。正當她向網民報喜之際,Sasa肚入面的第11只BB「11哥」突然出世,但卻天生無呼吸,令肥媽急得哭了出來,並邊哭邊幫忙為牠急救:「佢一齣世就冇呼吸,而SaSa都冇辦法幫佢,我都唔知點做,我當下只系希望人工呼吸能幫佢,但我不斷試,點整佢都唔鬱。其實我原本冇打算同大家分享,因為我以為救唔番,都唔系咩開心的事,因為中間隔咗一個鐘頭都冇呼吸,但我真系唔想放棄,當我最後繼續做人工呼吸之後,我將佢攬住,用自己體温畀佢,11哥突然奇蹟咳咗一下,我真繫好感動好感動!」

第11胎「11哥」一齣世就沒有呼吸,令肥媽急得哭了出來,並邊哭邊幫忙為牠急救。(YouTube:肥媽 Maria Cordero)
肥媽為牠人工呼吸,最後奇蹟般地救了回來。(YouTube:肥媽 Maria Cordero)

她視愛狗Sasa如自己的女兒一樣,所以亦同樣地視Sasa的狗BB如自己的孫一樣:「我真系當佢地(哋)都系自己的孫,都系生命去照顧,佢地系我最好的親人,可能我未必所有步驟都做得岩(啱),但感恩感恩,最後11哥可以救得返,最後11只狗仔原原(完完)整整!」肥媽表示,自己會收養第四隻狗BB和她親自救回的「11哥」,而另外的已獲她身邊的朋友收養。

肥媽視Sasa的狗BB如自己的孫一樣。(YouTube:肥媽 Maria Cordero)

肥媽救回狗BB的一幕被網民大呼好感動,紛紛大讚她有愛心,並感謝她到最後都沒有放棄。另外,亦有網民建議肥媽為狗媽媽Sasa做絕育手術,肥媽回應道:「其實一開始都系想幫佢絕育,但系人地(哋)話狗女要黎(嚟)完第一次經期先可以做,跟住我有一個月唔系(喺)香港,一睇唔實就咁!」

生完BB的Sasa睡在狗BB旁邊。(YouTube:肥媽 Maria Cordero)
肥媽於去年領養Sasa。(Instagram:@mama_maria_cordero)

點擊觀看肥媽為「11哥」急救的過程:

+10
正在加載