陳庭欣望抗疫基金加快進度幫忙：上次派四千蚊都攪咁耐

新型冠狀病毒（COVID-19）疫情肆虐，導致經濟低迷，政府今日（8日）公佈一系列紓困措施，包括：資助僱主支薪五成，每位僱員上限9000元，為期六個月，所有擁有強積金戶口僱員均可受惠。陳庭欣（Toby）的男朋友去年投資千萬開健身修煉館，可是受疫症影響，政府宣布健身中心需由3月28日關閉至4月23日，對生意影響極大：「對初初嘅期望有負擔、要對員工負責任、加上租金同燈油火蠟，條數係好大！身邊已經有朋友加入咗失業大軍，其實各行各業都差。」Toby又認為租金的負擔最重，已經佔六位數字：「都有寫信畀業主，睇下有冇得傾下，但都冇回覆，都冇辦法。」

談到會否為節省成本，而有解僱員工或停職留薪的計劃，Toby就說：「我哋係細公司冇乜架構，再節省人手就冇人做嘢。」至於抗疫基金紓困措施對其的幫助，Toby說：「有基金一定係好，不過可能要幫快少少。不過上次派四千蚊都攪咁鬼耐，我係最擔心呢樣，幫你但三年後先有得拎錢，其實即係幫唔到手。」

點擊圖輯睇Toby靚相！