陳展鵬驚傳靠古法追掂胡定欣：古法按摩就聽過！
撰文：林通賢
出版：更新：
承接《城寨英雄》的氣勢，文偉鴻監製的新劇《同盟》陳展鵬（拳佬）和胡定欣（刁蘭）再度飾演情侶，今日在電視城舉行開鏡記者會，剛好有雜誌報導指陳展鵬原來同胡定欣已拍拖一個月，更說展鵬用「古法」如約睇演唱會和跑步等追掂胡定欣，對於報導陳展鵬當然否應，他說：「古法按摩就聽過，古法追女仔就真係第一次聽，無影響到，因為傳我拍劇追女主角唔係第一次，有經驗，但男未婚、女未嫁，咩可能性都有，我同定欣都成日傾偈，我信緣份多啲。」
而女主角胡定欣對於緋聞一笑置之，不過都讚展鵬，她說：「新聞大家睇完就算啦，不過我就唔知咩叫古法？（展鵬靚唔靚仔？）佢靚仔，但我都好靚女喎，（會唔會考慮下呀？）唔知喎⋯⋯」咦！有可疑？