【飛檳吧！男神】大馬水著Model用行動證明　多食海鮮身材好？

《飛檳吧！男神》除有男神莫竣名（Louis）及黎學勤（Jeffery）之外，每集亦都會有女嘉賓點綴下，第三集講到男神要出海捕魚，當地製片特地搵到水着Model Yumiko相伴。人未到，鏡頭已集中火力喺Yumiko嘅身材之上……話得係水着Model，只見Yumiko嘅IG真係好多肉。節目中，Yumiko提到自己因為多食海鮮所以身材特別好，雖然成件事都無咩根據，不過見佢IG上載的一系列照片，都似乎想話俾大家聽佢上圖有幾豐滿。

買完海鮮，輪到下廚環節，製片又好貼心咁安排曾參加選美嘅李詩琦（Shi Chi）幫手，雖然詩琦深得莫竣名歡心，但最傷心嘅係呢位女士竟然話會揀黎學勤。