【多功能老婆】朱晨麗拍續集聽公司安排：我自己係冇芥蒂

朱晨麗（朱朱）今天（24日）出席《法證先鋒IV》的宣傳活動。朱朱接受《香港01》訪問時坦言從蘇州鄉下回來香港後甚少出門，除了出席宣傳活動之外，幾乎是留在家中：「早幾日屋企紙巾冇哂，我先冇辦法落樓下買。大部份時間都係叫外賣，所以我好安全。」

提到《法證先鋒IV》即將播放完畢，朱朱坦言之後會有一段空檔期。問何時再會拍劇？她說：「應該都會快有劇拍，除咗公司傾緊，我出面都傾緊幾部電影，但詳細要等公司公布。（轉戰電影圈？）一路都有Keep住拍，希望兩邊都試下，但我都係想有人搵我唱歌，做歌手！」

提到朱朱有份演出的《多功能老婆》有傳會開拍續集，但有指朱朱和拍檔洪永城因不和所以「兩個只能活一個」，她回應時說：「其實如果開第二部我當然會開心，我係經理人合約，你話接戲、宣傳、活動等都係公司安排，我自己係冇芥蒂。（現在同Tony關係點？）同以前一樣，朋友。」