【新冠肺炎】唐詩詠呼籲為己為人齊心抗疫：請遵守強制家居檢疫令

新冠肺炎（俗稱：武漢肺炎）疫情持續，政府在本月19日起規定入境人士須接受家居檢疫14天，不過一連幾日都有唔少網友舉報，有戴住電子手帶嘅人不理禁令外出，引起社區播毒危機。曾經喺《白色強人》中飾演急症室醫生蘇怡嘅唐詩詠，呢日就發文呼籲大家要遵守「強制家居檢疫令」。

唐詩詠喺IG貼出《白色強人》劇照留言：「拍攝《白色強人》的時候，協助我們的醫療團隊內，有幾位醫生，醫護人員在2003年沙士期間，一直留守在醫院照顧病人。現在一班前線醫護人員仍然在堅守崗位，希望所有需要檢疫人士，為社會，為長者，為家人，為朋友，為自己，請遵守『強制家居檢疫令』。齊心抗疫，感謝」