【多圖】囝囝叫錯人做媽媽感無奈　Coffee林芊妤：咁我究竟係咩

林芊妤（Coffee）經常在社交平台分享與兒子翟德彥（伯伯）的日常生活點滴，最近伯伯又做出搞笑事情，被Coffee公布天下。

今天（22日）Coffee在IG大吐苦水，指兒子「叫錯人」做媽媽，Coffee更說到底我是誰：「琴晚沖緊涼突然聽到佢叫媽媽，諗住佢會過嚟拍我門，點知又無喎。睇返先知原來佢唔係叫我。姐姐（工人）成日拎張相話媽媽睇住，氹佢食飯氹佢飲湯，佢依家覺得張相嗰個先係媽媽，咁我究竟係咩？」

原來工人姐姐用的那張照片雖然也是Coffee本人，不過是化了妝的她，樣貌與素顏的Coffee不多不少總會有分別，所以Coffee懷疑現在兒子認不出素顏的她是媽媽，Coffee笑言：「妳（Coffee）化返個妝先嚟同我（伯伯）講嘢啦」

點擊睇更多Coffee靚相！