【是敢的】楊思琦港姐奪冠入行近廿載　大女幫忙照顧細佬好有愛

楊思琦2001年參選香港小姐奪得冠軍入行，眨下眼已經19年，由當日嘅鄰家女孩變身成兩個小朋友嘅媽媽。思琦2月宣佈細仔出世，一子一女湊成好字，產後出關接受梁梓禧節目《是敢的》訪問，向觀眾細訴多年來的起伏心情。

當選港姐冠軍眨下眼快將廿載，原來思琦嘅演藝之路非一帆風順，佢一直勇敢面對各種困難：「最勇敢嘅事一定係生小朋友！我仲生咗兩個。」思琦形容囝囝比較「大隻」，生產時很辛苦，稱得上是真正十級痛。剛坐完月，就撞正社會爆發新冠肺炎疫情，囡囡楊卓穎Krystal停課，正好留喺屋企一起照顧細佬，會幫手拎毛巾及奶樽，係個好好嘅小助手。