鄧兆尊攜大婆Carman送別十一姨洪國華　爆最新女友同屬「C」字輩

鄧兆尊今晚（19/3）到香港殯儀館送別日前逝世、終年65歲的十一姨洪國華。與「大婆」Carmen前後腳到場的他，大約7點左右抵達靈堂。他接受傳媒訪問時說：「佢由細睇到我大，我哋11、12歲第一次出埠，就係佢同婆婆帶我哋出去。」又指自己不知道十一姨入院，所以未曾入院探病。談到家人相繼離世，他就指自己睇得好化：「佢啲兄弟姊妹就難過啲，我哋後一輩感覺冇咁大。（更珍惜兄弟姊妹？）我不嬲都珍惜，不過你珍惜人，人未必珍惜你。」提到有報道指鄧兆尊與「三婆」Claire斬纜而且再結新歡，有記者問新歡是否「C」字輩，他說：「冇咁橋啩……唔係喎，佢都係C喎，佢姓陳嘅！」另外，與祥嫂洪金梅、十一姨相識幾十年的黃夏蕙也有前來送別好友，她受訪指十一姨平時好精神，不過近年較少聯絡：「我由後生睇到佢大。」

點擊下圖觀看情況：