少爺占與當奴推出《口罩歌》意外受歡迎：好多朋友話囝囡好鍾意聽

少爺占（甄子康）與當奴 （唐劍康） 今天（17日）出席綜藝節目《娛樂大家10點半》的錄影，當奴表示：「對上次上節目已經係上Do姐（鄭裕玲）嘅節目，今次又上阿姐節目，不過今次阿姐係汪明荃。然後又可以見到森美大哥，雖然話同一間公司，但一個返早一個返夜，其實都係一年先見到佢幾次。」

最近因為新冠肺炎關係，他們推出一了首防疫歌曲《口罩歌》，推出後意外受歡迎，少爺占笑言是無心插柳：「諗住畀大家開心下，無諗過首歌會做派台歌。點知好多朋友話佢哋囝囡好鍾意聽，想屋企都播到，唔想只係要電台先聽到，所以咪放咗上串流平台。」當奴解釋：「因為電台有責任要叫大家戴口罩，如果就咁叫大家戴口罩，會變成好唔係我哋嘅Style。」