【法證先鋒IV】陳煒街市買餸檔主畀折扣求劇透：大家交換情報咁

陳煒今日（17/3）連同一眾《法證先鋒IV》演員現身香港仔華富邨送贈抗疫物資予「香港肝臟移植協康會」。提到在疫情影響底下，如何防疫？煒哥坦言：「我會用避嘅方法，去避免出街到人多嘅地方，咁所以宜家都好少出街，而且都會盡量唔好喺出面食嘢，咁所以都會買餸返屋企自己煮飯食。」

煒哥又指街市雖然多人，但如果要買餸都會選擇人流較少的時間去：「其實買餸有一樣嘢係好開心，就係可以同啲街坊檔主互動傾偈，佢哋會捉住我問我《法證》嘅劇情，啲檔主佢哋好熱情，我買餸佢哋又會計平我，食材唔新鮮唔靚嘅都唔會畀我，大家就好似交換情報咁。」被問到煮藝男友有否畀負評？煒哥笑言：「佢夠膽話麻麻地咩⋯佢實話好啦，咁我事實真係煮得好好，哈哈！」