王君馨捱病飲中藥　鬼妹仔苦到樣都變：乜嘢味道嚟㗎？

撰文：張浩恩
出版：更新：
Grace變臉連環圖。（Instagram圖片）

入行9年的王君馨（Grace）今年終於憑《城寨英雄》花曼一角，廣受觀眾認同，不過人氣急升的代價，就是換來周身毛病。Grace之前透露過自己拉傷頸部，近日更因工作量大增而捱病。

雖然Grace自小在美國長大，但原來鬼妹仔都喜歡睇中醫調理身體，她還親自落手煲中藥，可惜第一次煲中藥的她，卻不懂控制火候：「第一次要自己返屋企煲中藥，七碗半水變成一碗，但係我煲過龍變咗半碗...味道會如何呢？」她還在Instagram直擊自己試飲中藥的一刻，未飲前Grace面上都有少許笑容，但一飲完她便面容扭曲，並慘叫：「乜嘢味道嚟㗎？」事後她更向網友求救：「有冇好心人下次可以煲比我飲呢？」

網民見到Grace咁慘慘豬，紛紛請纓幫手，並向Grace提出建議：「買個中藥煲，煲到得一碗水會自動熄火，唔驚再煲過龍啦。」（Instagram圖片）
素顏飲中藥的Grace獲讚皮膚好。（Instagram圖片）
王君馨現「《城寨》商機」　考慮推出花曼首飾特別版【「花曼」將現身結局】王君馨行婚紗騷︰驚險過拍《城寨英雄》【城寨英雄】王君馨花曼玩命式減肥　超激幼腰曝光：好似古時女人王君馨打得又煮得　自製真．西瓜蛋糕賀G.E.M.生日
王君馨