高海寧鄧智偉IG互相取消關注　五年情暗示玩完：唔會公開交代

藝人高海寧（高Ling）5年前起已經與音樂人鄧智偉傳出緋聞，指二人秘密拍拖多年，更去到要談婚論嫁的地步。不過最近有眼利的網民發現他們二人的IG互相取消關注，令人懷疑是否分手了。今天（4日）高Ling出席派口罩活動，問到與鄧智偉的感情狀況，她說：「其實大家真係唔使太過關心我感情生活，因為我一直都唔係高調處理自己私人事，所以唔會去好公開交代一啲事。（咁即係單身？）其實我會好畀心機去工作。」

高Ling對感情不願多談，但要說到她的近況，她直言因為疫情關係表示經常留在家中：「依家都要慳口罩，所以我宅係屋企比較多。咁細佬要返屋一定要用，我媽又負責買菜，所以我就係唔出街個個。除咗喺屋企讀下套劇本，我都係執嘢比較多，好似一個斷捨離，將唔要嘅嘢丟棄。」

點擊睇更多高Ling靚相！