【新冠肺炎】陳偉成6間髮型屋生意受影響：拒減租得番兩成營業額

新冠肺炎（俗稱：武漢肺炎）疫情肆虐下，為減少與人近距離接觸，好多人連剪髮都可免則免！藝人陳偉成（Avis）日前接受香港開電視《娛樂頭條E-news Headline》主播馬梓軒訪問，坦言喺疫情下，6間髮型屋生意同時受嚴重影響：「每間營業額都跌得好勁，其中一月先開張嘅北角分店跌得最嚴重，得番1、2成生意！而且業主唔肯減租，所以呢段時間都幾難捱！」

Avis去年11月與女友黃藹樂簽紙結婚，新婚不久即遇上新冠肺炎肆虐，問到會否減少與太太親嘴以避炎？Avis笑謂：「唔會特別減少嘅，如果錫錫都唔得實畀老婆鬧死啦，哈哈！不過本身plan好嘅婚禮、度蜜月等所有嘢就要延期，可能等年底或者出年先行動！」