【新冠肺炎】吳雲甫無懼肺炎疫情不改婚期：3月1日跟女友註冊結婚
撰文：洪曉璇
出版：更新：
新冠肺炎疫情影響下，市民都唔敢出外聚集，連帶唔少準新人婚宴都被逼延期或縮減大量圍數。吳雲甫（Owen）接受香港開電視訪問，就堅定表示會同女友喺今日即3月1日如期註冊拉埋天窗。
Owen去年平安夜向瑜伽教練女友Jackie求婚成功，雖然近兩個月疫情嚴重，但佢日前接受香港開電視《娛樂頭條E-news Headline》主播馬梓軒訪問時，表示二人都決定唔改婚期：「3月1日我就會踏入人生新的篇章，同女友註冊結婚，但擺酒就等疫情過後再做打算。」
既係藝人又係健身教練嘅Owen，坦言喺肺炎疫情下健身學員寥寥可數，甚至好多健身堂都逼迫取消。Owen話好在仍然有學生預約一對一健身訓練。為咗令學員放心做運動，亦特別加強衛生防疫，清潔消毒不在話下，更因應學生上堂時間做調整，成功吸納新學生。