林上全裸出演《人妖阿發》勁妖艷　爆泰國俾人撩：以為我喺酒吧做

由羅守耀執導及編劇的《人妖阿發：痴人三部曲1/3》甫一上畫就引來話題，皆因是題材大膽之餘，戲中也有不少露骨的性愛場面。羅守耀接受《香港01》訪問時，就坦言：「我哋（指電影）冇床戲㗎，因為全部都係『打野戰』，喺酒吧嗰啲！」

日前林上出席面包台網台節目時，就接受了《香港01》訪問。他坦言今次是他首次做演員：「就算係三級片都好，都冇理由拒絕，因為有機會就一定珍惜。」他又講道飾演一個變性人舞者其實亦應該貼近現實，所以全裸演出是正常的，說：「身體都係演員一部份！」

女演員楊昕也爆料，林上在泰國拍攝時遇到當地遊客，還被誤以為是真正的變性人舞者。她說：「佢喺泰國成日都俾人撩！因為佢好索！」林上補充說：「有遊客以為我真係喺酒吧度做，會過嚟撩下我。（點應付？）講聲『Hello』就冇啦。」鏡頭後的林上真是有點內斂。