梅媽覃美金缺席「疫市」九十六歲壽宴 梅啟明：佢感冒病咗幾日
撰文：吳子生
出版：更新：
已故香港歌影壇藝人梅艷芳母親覃美金在疫症肆虐下，今晚（28/2）於銅鑼灣舉行九十六歲大壽宴，由上年筵開26席大減至今年六席招呼親朋戚友。據兒子梅啟明透露，梅媽媽因感冒不適將會缺席今晚壽宴：「因為佢老人家突然唔係咁舒服嚟唔到，因為疫情嘅關係，醫生都建議佢唔好出席活動，避免受到感染，其實佢都好想嚟，不過佢已經病咗幾日身體唔係咁好，可能近來天氣忽冷忽熱搞到佢患咗感冒，不過啲賓客宜家仲未知佢唔嚟。」
上年梅媽媽向梅艷芳信遺產信託基金申請撥款舉行壽宴，獲批25萬港元擺大壽，今年亦不例外。梅啟明坦言申請撥款並不困難：「因為每年都做開，至於今年撥款幾多錢自己就唔知道，呢樣要問返梅媽媽。」被問到會否擔心賓客嚟唔到？梅啟明坦言：「今晚真係好多嘉賓嚟唔到，因為有啲賓客去咗韓國及其他地方玩，之後返嚟要自我隔離，所以嚟唔到，剛才都收到幾個電話話嚟唔到。」